Benvegnu

L’Istitut

L’AFI é n zënter d’inrescida y consulënza spezialisé sön chestiuns y problems atuai dl monn dl laur dl Südtirol, metü sö dl 1995. Le fin dles ativités de stüde y d’inrescida dl’Afi é da dé n sostëgn tecnich-scientifich por mioré la situaziun economica, soziala y profescionala dles dependëntes y di dependënc.

Porchël laurunse adöm cun i sindacac y les federaziuns soziales dl raiun y ti pitun analises sotes y dac spezifics da adoré pro les tratatives contratuales y d’atres interaziuns a livel economich y politich.

L’istitut, cun a ce Stefan Perini, á süa sënta a Balsan y vëgn finanzié da fonds publics. I organs diretifs é le consëi y la junta sciöche comité esecutif; tramidui é metüs adöm da porsones che rapresentëia les organisaziuns sindacales y soziales locales y la Provinzia autonoma de Balsan.

Funziuns prinzipales y ativités

I stüdi dl Istitut vëgn publicá sides por todësch che por talian sot forma de raporc scientifics, brosciüres, newsletters, comunicac stampa, convëgns y la documentaziun che alda lapró. Les ativités dl’AFI tol ince ite la partezipaziun ativa te grups de laur y organs de consulënza istituzionai a livel provinzial.


WordPress Cookie Hinweis von Real Cookie Banner